賣出遠東發展

近日發生好多令人痛心的事件，無論對錯，都會對香港有好深遠的影響。對香港的資產應該會有重估，同時間銀行變相加息，對於高企的樓價應該有影響。減少對本地地產股的持倉，賣出遠東發展，只留下恒基地產。

賣出友邦

個股升唔到上去，先走為敬，小賺4%。

買入友邦

見到即日回彈，買入權重股，短線博反彈。短線操作，唔會多過2星期。

長和系業績

長和系股份生意遍佈全球，看其生意的升跌，對現今經濟情況會更有掌握。

長和主要業務包括碼頭，基建，電訊，零售及能源。

從上圖所見，碼頭及零售業務，收入大致持平，證明咗雖然中美打緊貿易戰，但生意總是要做，啲出口去咗去東南亞，令碼頭收入未明顯減少；以及貿易戰仲未影響到零售層面，大家仲有錢買嘢；即係貿易戰仲有排玩。

電訊方面，則因為年前收購的意大利電訊令收入增加，但負債就高咗，大公子要重組公司，從而減少利息支出，反證電訊業是高投入，慢回報。

基建方面，透過內部轉讓，長和令到長建及電能的業績只是輕微下跌，但長和的基建業績則下跌25％，反映增長乏力，加上過去10至15年靠收購的增長已經行唔通，再增長的空間有限。

總括以言，經濟仲可以，但電訊及基建路難行。