自願醫保
自己睇咗啲自願醫保介紹書，發覺同其他同級的醫保分別不大，而且唔包高風險池及已知疾病，比不上我自己已有的醫療保險，講真，除咗可以扣稅，吸引力唔大 ; 又政府要求所有公司都提供保障範圍一樣的標準計劃，唔同保險公司的定價各有不同，多到令人唔知點樣選擇。
今次醫保的業務提供者多保險公司，中間所提供的扣稅安排，其實是將我們省下的稅款和保險公司分享，保險公司在資訊不對稱佔上風，主導保單定價，理論上在博弈中得益較多，加上投保人轉換保險公司的機會成本好高(如不包換保時的已知疾病)今次政府開闢的自願醫保市場，相信最後都變成保險公司的另一個金礦，長遠幫到的保險公司的業績。
扣稅年金/強積金
年金/強積金出現多年，其成效一直都令人詬病，今次出動扣稅，相信會提升相關產品的銷情。但今2大銀行推出的年金計劃，回保率(3%-3.5%)不及政府之前推出的公共年金(4%)，情況一如自願醫保，是將我們省下的稅款和業務提供者分享，真係唔明點解政府唔自己搞 ; 又政府一直想市民自己照顧好自己，所以推出年金計劃，提供扣稅的出發點是好，但有能力買年金的顧客應該是中產人士，因可用盡個人扣稅額，反觀基層，佢地又有咩誘因去買年金?
前排睇報紙見到如果現有醫保plan有一次機會免核保轉去同一間公司嘅自願醫保
回覆刪除是的，現有客戶可以轉保，但問過保險經紀新客戶都是要核保。
回覆刪除